| 中秋節 細個中秋節.... 爺爺會為我準備有走馬燈 有音樂o既燈籠 夜晚食完飯同爸爸..媽咪...細佬去樓下玩蠟燭 樓下坐滿哂人 好難先搵到一個位坐 今年 食完飯同樣同屋企人落去 眼前得返數得哂咁多人賞月.... 中秋 已經無左種團圓o既感覺 係我大個左睇野唔同左..? 定係社會已經變左呢...? 總覺得細個o既中秋節係最開心 最溫暖 慶幸 今年中秋仲可以同屋企人睇左套電視 第一次 雖然我係一個文科人 但係個個都知讀書對我不嬲都係只夠好彩過關 今日睇左《建國大業》... 要靠我daddy同我講解背景... 佢中史簡直勁到可以教書 所以唔好成日以為大學生咩都識...好勁 我估好多人睇完都有好多細節都唔知係咩黎... 包括我 唔知仲有幾多年可以同屋企人一齊過中秋 一家人可以分享一個月餅其實係一件好幸福o既事 好好珍惜 |
| |
| 去完台灣返黎 我超愛台灣 鐘意o度ge文化 生活節奏慢......人與人之間有一種莫名親切感 佢地可以同唔識ge人滔滔不絕.....冇咩機心 生活簡單 快樂 好有一種衝動搬去台灣住 返到黎....失去左一個我地愛ge人 雖然同公公相處時間唔多 但見到佢咁辛苦....等埋個個孫仔女返先走....好心酸... 一路好走 |
| |
|    
謝安琪演唱會 期待ge一個音樂會 ....無sell舞台...歌衫.... 一個簡單得黎又好舒服ge演唱會!!! 由佢第一隻碟就有買!!因為佢把聲好特別....令人聽到好有共嗚!! 仲有係佢 
周博賢!!! 佢的確令我佩服....由一個律師變到製作人... 寫ge野雖然唔係主流!!!但係絕對有令你意想不到ge驚喜 與其o係一d為交貨而寫ge雜誌上認識一個人... 倒不如由同佢朝夕相處ge經理人寫ge野入面了解一個人!!! 你會發現...."原來佢係咁ge"... 勇敢面對生活....愛自己....愛音樂... 人一定要懂得愛自己....先會搵到自己要行ge路... 前面太多人同你講想你點點點.... 太容易迷路....搵唔返你自己 |
| |
| 今日發生左一件我永遠都唔會忘記既事.... 有一個媽媽懷住既BB胎死腹中有一個星期 BB已經有九個月大....仲幾個星期就可以出世喇.... 但係佢永遠都見唔到呢個世界係點 媽媽好盡力咁生佢出黎.... "個BB男定女呀??幾重呀??" 聽到真係覺得好心酸... 最慘係....老爺奶奶入到黎....奶奶一句聲都冇出過.... 之後仲要做手術拎個胎盤出黎 點解女人要承受咁大壓力既? 我以前真係以為生BB好易....咪去生囉!!! 但原來除左痛到有死既感覺之外...仲要承受咁多野.... 所以即刻你老婆唔係好叻既女人 佢依然做左一樣比你厲害十萬倍既事 唔好睇小女人!!!!! |
| |
